أبو السيد للشحاته الدوليةما كنتش أتصور انك كده يا أبو السيد شحـــــــــــــــات
ح تشحت يا ابوالسيد لا حول ولا قوة إلا بالله
: ايه ياعم براحه عاليا انا قولت حاجة غلط انا بقولك ح شحت يعنى ح بقى متسول فيف ستار ما قولتلكش
ح بقى حرامي ولا نصاب
افهمني بس
في مشروع في دماغي ومتأكد انه ح ينفع وح يمشي 10على 10
بص يا سيدي
وانا ماشي لاقيت شحات شكله محترم وابن ناس والله ولابس احلى لبس وشايل كيسة وفيا شوية ادوية
صعب عليا اوي قالى يا بني لو سمحت ممكن .50 قرش بس اروح بيهم عشان صرفت كل الى معايا على الدوا ومش لاقى فلوس اروح بيها
صعب عليا وكنت ح عيط جمبه قمت مطلع اللى فى النصيب من جيبي وقولته خد يا حج واركب اتوبيس مكيف كمان يلا ياعم عيش
بقيت ماشي فرحان , اساسي لازم افرح وفى نفس الوقت زعلان على حال الراجل ده الله اعلم حيروح البيت يتعشى ولا حيفضل على لحم بطنه وبقت دماغي تجيب وتودي في أفكار
المهم
أتمشيت شوية وقعدت الف بدور على حاجة كويسة اقدر اشتريها لزوم الروشنة والتظابيط
والحمد لله مش لاقي حاجة على زوقي
قولت اروح لمكان تانى وشارع تانى خالص
نزلت فى شارع تانى
ومرة واحدة ليقت هو هو نفس الراجل اللى بيشحد
ابتسمت وقولت دا انا كنت مغفل بشكل محترف بجد
الراجل ده نصاب ممممممممممم اعمل إيه؟ اعمل إيه ؟ بصراحة قولت فكك عشان لو مسكت فيه كل البشر اللي
في الشارع حيمسكوا فيا أنا
كل الى عملته مشيت وراه
يمكن يكون عنده دم ويمشي
والحمد لله طلع عنده دم وخلع من الشارع نهائي وتقريبا كده راح يكمل شغله فى شارع تاني
قولت يلا مش مهم حتى النصابين بقوا آخر احتراف
توجهت للبحر وقولت أتمشي شوية واجيب شوية سندوتشات أساسي
وانا بفترس أول سندوتش مرة واحدة جتلي فكرة جنان
ابو السيد للشحاته الدولية
الفكرة بسيطة اوي
ح بدأ انا بالموضوع ده
ح أعمل زى الراجل ده بس انا صغير مش كبير واعتقد مافيش حد بقي بيشحت شباب
يلا مش مهم اشوفلى كام فنلة مقطعه على كام بنطلون مقطع (اليوني فورم ) بقى
وبعدين اكبر الموضوع وشغل معايا صحابي
وبعد ما صحابي يشتغلوا نبدأ بقى ننزل على شوارع مختلفة ونفتح ونكبر وتبقى فروع الشركة فى كل حته
وبعدين نبقى فى كل محافظة فى مصر
ونطبق بقى نظام الاحتراف فى الشحاته حا تبقى شركة جنان وح نكسب ملايين
ويبقى لينا بقى يونيفورم مخصص للشحاته ويبقى اسم الشركة مكتوبه كده على ظهر التي شيرت ( شركة ابو السيد للشحاته الدولية )
ونكبر ونكبر ونعلا وتبقى القشية معدن وفى خلال يوم أكون متجوز وفاتح بيت وعندي عربية وعيش بقى
يااااااااااااه فكرة جنان ايه رأيك
والله يا ابو السيد انا شايف انها فكرة فى الجون بس ابقى قولى بقى ح تفتح الشركة دي امتى وح تبقى تعملها افتتاح ولا ايه نظامك ؟
خلاص بأذن الله ربنا يسهل واهم حاجة فى الموضوع ان الشركة يكون ليها هدف
.... الشحاته من الجميع .....
ليست هناك تعليقات:
إرسال تعليق