لحظات من المستقبل

كانت الكارثة التي اكتشفتها بعد دقائق من استيقاظي

وهو انني اخطأت فى ضبط المنبه وهو ما ادي لأستيقاظي متأخرا

وقتها قمت بالقيام ببعض الحركات البهلوانية من اجل تجهيز نفسي

والجري مسرعا لأقرب برج من اجل انتظار "طائرة الايرباص "

وهو بالفعل ماحدث فصعدت لأقرب برج لأنتظار الطائرة

وبعد 10 دقائق وصلت الطائرة متكدثة بالبشر والمواطنين المتجهين لأعمالهم

وقتها شعرت بقوة بشرية قوية تدفعني فى اتجاه باب الطائرة نفس ما حدث تقريبا فى عصر الدولة الحسنية والتي تولت حكم مصر بداية من 1981 وحتي ما شاء الله ولكن وقتها كانت وزارة النقل تستعمل شيء غريب يسمي ب " الاتوبيس " فى نقل المواطنين

وقتها وجدت نفسي بالفعل داخل الطائرة

لأسمع اصوات المحركات الغريبة وصوت الكمسري .. المعتاد بقوله

: الطيارة فاضية جوه يا افندية .. اتحرك يا استاذ .. اتحركي يا انسه ...

وقتها وجدت الكمسري يقترب مني .. قائلا

: تذاكر ... تذاكر ...

وقتها قمت بوضع يدي فى جيبي وطلعت 500 جنيه حق التسكرة وقمت بأعطائها للكمسري

فنظر لي الكمسري وقال لي ... ايه ده يا استاذ ؟.

: ده حق التسكرة ..

: يا استاذ التذكرة بقيت ب 700 جنيه

: ازاى بس انا لسة راكب الطيارة امبارح والتسكرة ب500 جنيه

: لو مش عجبك انزل اركب اى هليكوبتر تاني وما توجعلناش دمغنا بقي ..

: خلاص خلاص .. خد ياعم ... حسبي الله ونعم الوكيل ... الواحد هيلاقيها من المواصلات ولا من الاكل ولا من ومن ومن ....

وقتها سمعت صوت انسان بشري قائلا لي ..

: والله يا استاذ مصر لسة بخير ... ما تقلقش ...

: ياعم بخير ايه بس الاسعار كلها بقيت عاليه وماحدش عارف يعيش

: والله يا استاذ لسة فى خير ... دا انا امبارح نزلت انا وام العيال اشترينا فرخة من الجمعيه ب8000 جنيه وكانت بجناحين وورك ..

: ربنا يباركلك يارب وتعرف تجيب فراخ كمان وكمان ... هات نمرة موبيلك نبقي ننزل نجيب فراخ مع بعض ..

وقتها قمت بتسجل نمرة هذا الشخص الغريب .. ولكن انا لا اعرف اسمه

: اسم الكريم ايه بقي ..؟ عشان اعرف اسجلك فى الموبايل

: اسمي حسن ..

وقتها وجدت فى الموبايل حوالي 50 شخصية اسمهم حسن ... وكان علي تميز هذه الشخصية فأطلقت عليه

" حسن فرخة " ... وقتها ظهر لي على شاشة الموبايل اسم حسن فراخة وبجواره اختيارين ...

1 - فرخة بلدي 2- فرخة بيضا ...

انتا بتستظرف يا نوكيا

وقتها قمت بأختيار فراخ الجمعيه ..

وبالفعل تم قبول تسجيل اسم "حسن فرخة" ضمن الشخصيات التي قمت بتسجيلها على الموبايل ...

وقتها توقفت الطائرة ... وسمعنا صوت السائق يقول ... بعد اذنكم يا افندية نازل بس اجيب كام رغيف افطر بيهم وجيلكم ...

وقام بأرتداء البارشوت وقفز من الطائرة ...

ومالبث ان بدأ الركاب فى الكلام بالألفاظ المحتشمة الموقرة ..

وبعد نصف ساعة وصل السائق للطائرة مرة اخرى وقام بالاقلاع بنا ..

وبعد دقائق كنت فى مكاني الصحيح أمام مكتب رشوة الموظفين ..

حيث قمت بأعطاء رشوة لأحدي الموظفين من اجل تجديد رخصة قيادة الطائرة ..

وبعدها عدت لمنزلي .. لأجلس وسط ابنائي وزوجتي ...

وقتها خرج ابني من غرفته وبيده فتاه غريبة الاطوار ..

: مين دي ياد ...

: دي الجيرل فرند بتعتي يا بابا ..

: الجيرل فرند ... جبتها منين دي يا ابن ال.......... تيييييييت ...

: من على الماسنجر يا بابا ... يعني دخلت البيت من ماسنجره ..

ولم اشعر بيدي وهي تلتقط الـ"فاظة" وتتوجه لوجه ابني ...

ومالبث ان امسكتها زوجتي " كمسكة حارس مرمى منتخب مصر " والمعروف فى العصور القديمة بعصام الحضري

ثم نظرت لي زوجتي نظرة غريبة قائلة بعدها ..

: ايه يا ابو السيد ... انتا نسيت ولا ايه .. لو نسيت افكرك ... نسيت ليالي الياهو والماسنجر اللى كانت ما بنا ..

دا انتا يا راجل ما بتقوليش كلمة حلوة غير على الياهو ..

: خلاص خلاص ..... انتي هتفضحيني قدام أبننا ...

وبعدها بدأ يتفوه ابني مطالبا بحقه الشرعي ..

: يا بوب ... ايدك بقي على 50000 جنيه حق كورسات الكيميا والفيزيا ..

: ايه 50000 ليه يعني ؟

: يا بابا انا ما رضتش افتري وقولت خليني موفر وبلاش دروس خصوصية ورحت حجزت فى المعهد الصهيوني عشان يبقي ارخص ...

: المعهد الصهيوني ...

: اه يا بابا ده رخيص وكويس جدا ... بيعلمونا حاجات حلوة اوي غير الفيزياء والكيميا ... يعني ما تقلقش ابنك حيطلع فيزيائي وكيميائي خطير ... وياريت بقي تديني الطيارة بتعتك عشان انتا عارف بقي المواصلات وخنقتها

وقتها بدأت اشعر بوعكة صحية شدية وضيق فى التنفس وراتفاع فى درجة حرارتي وغياب عن الوعي وجدت نفسي بعدها " مفروشا على الارض "

متلفظا ببعض الكلمات

.... المعهد الصهيوني ... الماسنجر .... الطيارة ... الجيرل فرند

الجيرل فرند

فرند